Articles

အိမ်ရှေ့မှာ အမွှေးတိုင်ထွန်းခြင်းဖြင့် နာနာဘာဝတွေကို ဖိတ်ခေါ်နေတဲ့ အယူအဆတစ်ခု

အိမ်ရှေ့မှာ အမွှေးတိုင် ထွန်းတတ်သူများ သိအောင်ကြည့်သွားပါ

အိမ်ရှေ့ အမွှေးတိုင်ထွန်းခြင်း (သို့) နာနာဘာဝတွေကို ဖိတ်ခေါ်နေတဲ့ အယူအဆတခု

ပုံမှန်အားဖြင့် ကိုယ့်အိမ်က ဘုရားစင်မှာ ဆွမ်းတော်

တင်ထားတာက ကြွက်ကပဲ လာနှိုက်စားနိုင်တယ်။ သရဲက လာနှိုက်မစားနိုင်ဘူး။

ဒါပေမယ့် အိမ်ရှေ့မွှေးတိုင်ထွန်းလိုက်တာက သရဲတွေ အိမ်ထဲဝင်လာနိုင်တယ်လို့ ခွင့်ပြုပေးလိုက်တဲ့ သင်္ကေတဖြစ်တယ်။

မြင်အပ် မမြင်အပ်ဆိုတဲ့ထဲမှာ သရဲတွေလည်း ပါတယ်။

နေစရာရှိတဲ့သူကတော့ သာဓုခေါ်စရာရှိတာခေါ်၊ စားစရာရှိတာ စားပြီး ကိုယ့်နေရာကို ပြန်သွားမှာပဲ။

နေစရာမရှိတဲ့ ခပ်ဆိုးဆိုး သရဲတွေက မပြန်ပဲ အိမ်ထဲ နေနေခဲ့မယ်။

တောက အမျိုးတွေ အလည်ခေါ်တယ်။

အလုပ်အကိုင် အဆင်ပြေတဲ့ အမျိုးက လည်ပတ်ဘုရားဖူးပြီး ပြန်သွားတယ်။

အလုပ်အကိုင် အဆင်မပြေ စားဝတ်နေရေး ကြပ်တည်းနေတဲ့ အမျိုးက မပြန်တော့ဘူးလေ။ အဲဒီသဘောအတိုင်းပဲ။

အိမ်ရှင်က ခေါ်ထားတဲ့သရဲဖြစ်နေလို့ အိမ်စောင့်နတ်ကလည်း နှင်ထုတ်နိုင်စွမ်း မရှိတော့ဘူး။

သတ်သတ်လွတ်ကပ်လို့ သရဲမကြိုက်ဘူး ဆိုကြသေးတယ်။

သရဲက ငတ်နေတဲ့ သတ္တဝါအမျိုးအစားမို့ ရတာအကုန်စားတာ။

သတ်သတ်လွတ်တာ မလွတ်တာတွေ ရွေးမနေဘူး။ သရဲက စုပ်ခွက်ငါးထက်တောင် အစားပက်စက်သေးတယ်။

ဓမ္မပဒမှာပါတဲ့ သရဲတွေကြိုက်တဲ့ အစားအစာစာရင်းအရ သစ်သီးကလွဲရင် ထမင်းဖြူကအစ သရဲကကြိုက်တယ်။

ဆွမ်းစသည် လျော့နေတာ ခြေရာကျန်ခဲ့တာက သရဲက နောက်ထပ် ထပ်စားရအောက်လို့ ခွင်ဖန်တာက ဖြစ်ဖို့များတယ်။

နောက်ပြီးတော့ အထက်အညာ ရွာတစ်ရွာက ရခဲ့တဲ့နည်းဆိုပြီး ရေးထားတယ်။

အထက်အညာမှာက သရဲမွေးပြီး လုပ်စားနေကြတဲ့ ဘုန်းကြီးတွေ လူတွေရှိတယ်။

မွေးထားတဲ့ သရဲနဲ့ မွေးထားသူနဲ့ ဇာတ်တိုက်ပြီး လုပ်စားနေကြတာ။

သရဲမွေးထားသူတွေက ဘုန်းကြီးနေနေ လူနေနေ

နောက်ပိုင်းမှာ သူမွေးထားတဲ့သရဲက ပြန်သတ်လို့ သေကြတာချည်းပါပဲ။

မွှေးတိုင်မထွန်းပဲ မြင်အပ် မမြင်အပ် စသည် ထည့်မဖိတ်ပဲ ရဟန္တာပဲ ရိုးရိုးပင့်ကြည့် ဘယ်ဆွမ်းမှ မလျော့ဘူး။

ဘယ်ခြေရာမှ မကျန်ခဲ့ဘူး။

အိမ်ရှေ့ ခြံရှေ့ ရိုးရိုးဒီအတိုင်း ဘာမှ မပြောပဲ အမွှေးတိုင်းထွန်းရင် သရဲ တစ္ဆေ ဘီလူးစတဲ့

မကောင်းဆိုးဝါးတွေ မလာနိုင်ပါ။

အိမ်ရှေ့ ခြံရှေ့ မွှေးတိုင်ထွန်းပြီး “မြင်အပ် မမြင်အပ်

ပုဂ္ဂိုလ်အပေါင်း နှင့် သုခိတ ဒုက္ခိတ သတ္တဝါအပေါင်းတို့ကို ပင့်ဖိတ်အပ်ပါသည်။

၃၁ ဘုံသားတို့အား ပင့်ဖိတ်အပ်ပါသည်” လို့ ရွတ်ဆိုမှ သရဲ တစ္ဆေ ဘီလူးစတဲ့ မကောင်းဆိုးဝါးတွေ လာနိုင်တာပါ။

ဒါကြောင့် အမွှေးတိုင်ထွန်းရင် ကိုယ်ရည်ညွှန်းတဲ့သူကို တိတိကျကျ နာမည်တပ်ပြီး ပြောပါ။

ဥပမာ ခြံစောင့်နတ်အား ပူဇော်ပါသည် ပေါ့။

အားလုံးနဲ့ သက်ဆိုင်ပြီး အစွန်းထွက်တဲ့ စကားတွေ မပြောပါနဲ့။

ဘုရားရှိခိုးရင် သမန္တာစက္ကဝါဠေသု ဆိုပြီး ရိုးရိုးရွတ်ပါ။

အထွန့်တက် လျှာမရှည်ပါနဲ့။ လေမရှည်ပါနဲ့။ ပါးစပ်ကြောင့် ဒုက္ခရောက်တတ်တယ်။

ဆွမ်းတော်ကို စွန့်ပစ်တဲ့အခါ ခြံစည်းရိုးမှာ မစွန့်ပစ်ပါနဲ့

သရဲ တစ္ဆေတွေ လာစားပြီး ခြံစည်းရိုးမှာ ကပ်နေတတတ်တယ်။

အိမ်ခြံဝန်းထဲမှာစွန့်ပစ်ရင် စားလိုသူတွေ လာရောက်စားသုံးကြပါ လို့ မပြောပါနဲ့ သရဲ တစ္ဆေတွေ လာစားတတ်တယ်။

အမွှေးတိုင်ထွန်းတာက လေထုကို ညစ်ညမ်းစေပြီး ရောဂါရစေလို့ မထွန်းတာက အကောင်းဆုံးပါ။

ဘုရားပူဇော်ချင်ရင် ရေမွှေးစတာနဲ့ ပူဇော်ပါ။

Credit